Hoërskool
Cillié

 (041) 451 4837

Rugby

Rugby word deur baie beskou as die belangrikste bemarking van ’n skool. Daar word hard gestreef om in hierdie doel ons skool se naam hoog te hou en die trotse rugbytradisie te laat voortleef.

Die volgende spanne is in die OP se hoërskoolliga ingeskryf:

O/19 A

O/19 B

O/16

O/15

O/14

Elkeen van die spanne het ’n gekwalifiseerde afrigter en die fassiliteite word gereeld opgradeer. Die seuns speel met geborgde rugbytruie. Ons is bevoorreg om met ’n rugbystadium te spog. Gereelde tuiswedstryde word onder spreiligte gespeel.

Hoërskool Cillié is trots op sy rugbyspelers se goeie dissipline, op en van die veld. Hulle is ware ambassadeurs vir ons skool en ontvang gereeld komplimente van die opposisie se afrigters en hoofde.

Geskiedenis word by Cillié gemaak.

Aandwedstryde

Op 6 Mei 2011 het Cillié hul eerste aandwedstryd teen Andrew Rabie gespeel onder die splinternuwe spreiligte wat tydens die sokker wêreldbekertoernooi opgerig is.

Daarna is nog twee aandwedstryde gespeel teen Hoër Tegniese Skool Newton en Victoria Park.

Daar het ’n lewendige atmosfeer geheers onder die spelers op die veld, maar veral ook onder die toeskouers. Die aandwedstryde word in groot getalle bygewoon deur ouers en vriende.