Die bloedskenk-projek gaan van krag tot krag. Danksy die hoof se toestemming om tydens skoolure te skenk daag baie leerders op. Die broodjie gedurende die registerperiode lok ook skenkers.

Die Bloedskenkleiers moedig hul maats en onderwysers aan en oorreed selfs die banges om dapper die naald te trotseer. Gelukkig troos die sap en koekie daarna.

‘n Spesiale woord van dank aan die onderwysers wat elke keer die verversings voorberei.

Die verteenwoordigers doen REUSE werk en laat elke “Blood Drive” glad verloop.

Ons eie mnr. Herbst het reeds sy 75ste eenheid geskenk: voorwaar ‘n prestasie!

Me. S. Bezuidenhout

Organiseerder