Leerders ontvang opleiding deur SANCA om vir hul maats begeleiding te bied indien hulle sélf of kennisse ‘n verslawingsprobleem het. TADA-leiers moes navorsing doen oor ‘n spesifieke verslawingsmiddel en ‘n aanbieding doen in ‘n klas. Daarna het hulle hulself aan die skool bekendgestel deur sketse van soortgelyke situasies waarin tieners hul mag bevind en wat die moontlike negatiewe uitkoms kan wees.

Leerders wat positief getoets word vir ‘n middel word deur die Beheerliggaam verwys na die TADA-groep. Daar word inligting vir hulle gegee en die nodige begeleiding om die regte pad te volg.